Fakafetongi ‘o e Windows 7

Ngaahi maumau ‘e malava ke hoko

• ‘I he ‘ikai ko ia ke ‘i ai ha polokalama malu’i ke fakafo’ou ki ai, ko e PC ko ia ‘i he Windows 7 ‘e laveangofua vave leva ia ‘i he ngaahi maumau ko ia ‘oku fakahoko ‘e he ‘malware’, pea ‘oku ‘ilo lelei ki ai mo e kau fai hia.
• ‘E faka’aonga’i leva ‘e he kau hia e ‘malware’ ko ia ki he ngaahi taumu’a lahi ‘o kau atu ki ai hono:
  •  Ke kaihaʻasi hoʻo falamatala fakaikiiki fakatfo’ituitui mo fakapaʻanga ke lava ‘o fai ‘aki ha kaka
  • Ma’u ho komiputa ‘e he ‘ransomware’
  • Fakahoko hano kaiha’asi ‘o e fakamatala fakafoituitui ‘oku fakapapau’i ‘aki ha taha ke lava ‘o ngāue ’aki e ‘akauni pangikē , paasipooti mo e ngaahi me’a kehe pe ‘i ho hingoa
  • Ke monitoa ho ‘īmeili mo e ngaahi founga fetu’utaki ke pe
  • Ke fakakau atu e PC ‘i he ‘botnet’, ‘a ia ‘oku fa’a ngāue ’aki ki hono ‘ohofi ‘o e uepisaiti ‘o e kautaha lalahi pe pule’anga
• Faingata’a ange ke ma’u ‘e he Windows 7 ha sevesi pe falalelei’i
• Toe lahi ange e me’angāue mo e polokalama ‘oku ‘ikai lava ke toe ngāue ’aki ‘i he Windows 7

Ngaahi fakatu’utamaki kehe ki he pisinisi

• Makehe mei he ngaahi me’a ‘i ‘olunga, ‘oku ke laveangofua ‘i he ngaahi hu ta’e ma’u ha mafai ki ho sisitemi fakamatala, pea ‘e iku ia ki ha ngāue ’aki pe kaiha’asi, ta’e fai pau ki he ngaahi fiema’u ‘a e kautaha malu’i mo e/ pe kasitoma mo e GDPR.
• ‘Oku hahamolofia ke toe ‘i ai ha kautaha tu’u taha ia ke ne ‘oatu ha tokoni naunau mo e polokalama fakakomipiuta mo ha sevesi ki he sisitemi Windows 7

Kimu’a peake fai e ngaahi me’a ko ‘eni, ‘oku mahu’inga ia ke ke hiki ha talifaki ho fakamatala ki ho PC mo fakapapau’i ‘oku ‘i ai e ngofua ke hu ki ai mo lava ke ma’u ‘i ha misini kehe.

Ke fakafo’ou ho komipiuta

• ‘Uluaki me’a, ke fokotu’u ‘o fakahū e Windows 10.
  Neongo ia, he ‘ikai lava ‘e he ngaahi komipiuta motu’a ‘o fakalele ‘a e Windows 10 koe’uhi ‘oku ne toe fiema’u lahi ange ‘e ia e ngaahi naunau fakakomipiuta. Ko ia ai ‘oku fokotu’u atu ‘e he Microsoft ke ke vakai’i e ngaahi naunau ke ngāue ‘aki ‘i heni.

‘E lava pe ke ke fakafo’ou ki he Windows 10 ta’etotongi, ‘o makatu’unga ‘i he ngaahi tukunga ‘oku ke ‘i ai. Kapau ‘oku ‘i ai ha’o Windows 7 ‘oku mo’oni pea fakangofua atu ‘e he Microsoft ke ke ngau’aki, ‘e malava pe ke ke fakafo’ou ia ta’etotongi ‘i he Microsoft Store.

Kapau ‘oku ‘ikai ke lava ‘e ho PC ‘o ngāue ’aki e ngaahi polokalama Windows fo’ou, ‘oku fiema’u leva ke ke fakatau ha PC fo’ou

• Kapau te ke fakatau ha PC, ‘e fiema’u ke ke ‘ave ho me’a ‘i he misini motu’a Windows 7 ki he misini fo’ou
• Kapau ‘oku ke fie tauhi pe ho PC motu’a pea ‘ikai ke fiema’u ke fakafo’ou ia, ‘oku ‘i ai pe e ngaahi me’a ke fili mei ai hangē ko e ‘dual booting’ ‘oku ne ngāue ’aki e Linux ‘operating system’ (sisitemi ki he fakalele kotoa ‘o e polokalama kehekehe ‘i he komipiuta). ‘E faingofua leva ke ke fakahoko e ngaahi ngāue ‘i he ‘initaneti mei ho Linux, kae fai ho ngāue kehe hangē ko e Word processing, spreadsheets mo e ‘atita’i ko ia ‘o e ngaahi la’i tā ‘i he Windows. Ko e fo’i fokotu’utu’u ko e’ni, te ne fiema’u e taimi lahi mo e ngāue ‘oku lahi ki hono fokotu’u mo fakahū, ka ‘oku lava ma’u e ngaahi fale’i mo e fakahinohino mahu’inga mei he ngaahi uepisaiti tokolahi.
• ‘Oku tonu pe ke ke fakakaukau ke ke ngau’aki ha komipiuta fo’ou ‘i ha founga kehe, ko e lahi taha ‘oku ngāue ’aki he taimi ni ko e Apple Mac, pe taha ‘o e ngaahi ‘netbooks’ hangē ko ia ‘oku ngāue ’aki ‘e ha Googles’ Chrome, pe ko e ngaahi motolo pe ‘a e Microsoft
• ‘Oku mahu’inga ‘e te fakakaukau pe ‘oku lelei ke ngāue ’aki e ‘desktop’ pe ‘laptop PC’ he ‘oku lahi e ngaahi fatongia fakakomipiuta ia ‘oku lava’i ‘e he ‘tablet’, ‘a ia ‘oku lahi kehekehe ‘i he me’a ‘oku ngaohi ‘aki mo e ngaahi tefito’i fatongia ‘oku ne lava ke fai ke fili mei ai, pea ‘oku ko e totongi ‘oku ‘i he £50 ki he ‘sub-models’ ‘o a’u ki he ngaahi motolo ko hono totongi ‘oku ‘i he lau ngeau

Ngaahi pisinisi & kautaha

Ko e ngaahi pisinisi mo e ngaahi kautaha ko ia ‘oku nau faka’aonga’i e Windows 7, ‘oku tonu ke ngāue ’aki ha founga ke nau fai mo liliu ki ha ‘platform’ fo’ou, ka ‘e lahilahi ‘a e ngaahi fakamole ai ki he ngaahi naunau fo’ou, hono fokotu’utu’u mo e ngaahi polokalama ke ngāue ’aki.

Fanga kiʻi pisinisi iiki ki he Lotoloto: ‘Oku lahi e ngaahi me’a ke fili mei ai e ngaahi pisinisi iiki mo e pisinisi lotoloto kapau ‘oku nau fakakaukau ke fetongi ki ha PC fakaonopooni ‘aki mo ha ngaahi me’angāue fakamuimuitaha ‘i he polokalama fakangāue ’aki. ‘Oku tonu pe ke ke talanoa ki ha Microsoft Certified Partner ke ke mahino’i e me’a lelei taha ke ke fili ‘o fe’unga mo ho’o fiema’u. Kapau ko ho’o PC lolotonga ‘oku ne lava ‘o feau ‘a e ngaahi fiema’u ‘a e Windows 10, ‘e lava leva ke ke fakatau e Windows 10 Professional mei ha falekoloa movetevete tautaha fakalotofonua pe Microsoft Certified Partner. Kapau ko ho’o PC ‘oku ‘ikai ke ne lava feau e fiema’u ‘a e sisitemi, pea tonu ke ke fakakaukau ki hono fakatau ha PC fo’ou fakapisinisi mo ha Windows 10 Pro.

Ngaahi pisnisi mo e kautaha ‘oku lalahi ange: ‘Oku ‘oatu ‘e he ngaahi pisinisi lalahi ‘a e ngaahi tokoni fakatekinikale ‘oku toe loloto ange, me’angāue , mo e fale’i fakapalofesinale ke fakafaingofua’i ‘aki hono tufaki mo fakalele ‘o e Windows, Office mo e Internet Explorer mo ha tekinolosia pe. Ke toe ako ki he fehikitaki mo e ‘deployment programs’, fetu’utaki ki ho’o fakafofonga ko ‘i he Microsoft pe Certified Microsoft Parnter.

Founga ke ‘upgrade’ ki he Windows 10

Ke vakai’i pe ‘oku ‘i ai ha’o totonu ki he ‘upgrade’ ‘oku ta’etotongi, ‘alu ki he Control Panel ‘i he Start Menu, fili e Systeme Security, pea toki fili e System. ‘Scroll’ hifo ki lalo he ‘window’: ‘e fakaha atu ai pe ‘oku ‘osi ngāue ‘a e laiseni. Ko ho’o PC ‘e fiema’u ia ke ‘i he Windows 7 Service Pack 1, ‘a ia kapau ko ho’o PC ‘oku fu’u fo’ou. ‘I he www.microsoft.com/en-gb/windows/windows-10-specifications te ke ai ‘o vakai pe ‘oku feau ho PC mo e ngaahi fiema’u pau ko ia ke lava ‘o ‘upagrade’ ki he Windows 10.

‘Back up’ ho’o ‘u faile kihe ‘cloud’ pe koha feitu’u falala’anga hangē koe ‘local storage device’ ke haofia meia ha mole he taimi ‘oku fakahoko ai e ‘upgrade’.

E lava ma’u e Windows 10 Media Creation Tool mei he http://www.microsoft.com/en-gb/software-download/windows10 pea fili e ‘Download tool now’. ‘Osi pe hono ‘download’, fakaava e faile mo lau pea ke tali e ngaahi ‘terms and conditions’ (aleapau). Fili e ‘Upgrade this PC now’. Kapau ‘oku ‘ikai ke ‘i ai ha tanaki’anga fe’unga ‘i ho’o ‘hard drive’ (tisi naunau fakakomipiuta), ‘e fiema’u ia ke ke faka’ata’ataa ‘i ho ‘hard drive’, pea toki fakalele leva e hono fakapolokalama’i mei he ‘USB stick’. ‘E ma’u e fakahinohino mei he ‘setup’.

‘E ‘eke atu pe ‘oku ke fie tauhi ho ngaahi faile pe ko ho’o ngaahi polokalama. Kapau te ke faka’amu ke ke kamata fo’ou ‘aki ha ‘operating system’ ‘oku ma’a pea kuo ‘osi hiki ha ngaahi tatau ‘a ho’o ngaahi faile, ‘e te ke lava pe ke fakafoki ho ngaahi faile mo e polokalama ko ia ki ho’o komipiuta he ‘osi pe ho ‘upgrade’, pe kapau ‘oku ke fiema’u, pe ‘i he taimi pe ‘oku ke fiema’u ai. Kapau ‘oku ke fili ke ‘oua te ke tauhi ho ngaahi faile mo e ngaahi polokalama, ka ‘oku ke fakakaukau ‘o pehe ‘oku ke toe fiema’u kinautolu, fakapapau’i ke ‘i ai ha’o ngaahi ‘license keys’

‘E toki hoko leva e ‘upgrade’. ‘E lava fai ‘eni ‘i ha ngaahi houa si’i, ‘o fakatatau ki he vave ‘a ho’o PC mo e ‘initaneti. Ko ho’o komipiuta ‘e toutou mate mo kamata, ka ‘e faifai pe pea ‘e ‘asi mai e ‘Windows 10 welcome screen’. ‘E ‘oatu leva e ngaahi fili fakafo’ituitui, pea ‘e ‘eke leva ke ke hu ki ho’o ‘akauni Microsoft, ‘o kapau ‘oku ‘i ai. Kumi mo lomi’i e ‘activation’ ‘i he Start Menu ke ‘ilo ai pe ‘oku ‘osi laiseni ho Windows 10. Ka ‘ikai ‘oku fiema’u leva ke ke fakatau ha laiseni fo’ou.

Kapau kuo ke ‘osi faka’auha ho komipiuta motu’a

Manatu’i, ‘oku fu’u mahu’inga ‘aupito ke ke ‘retire’ mo faka’auha ho komipiuta motu’a ‘i he founga totonu, koe’uhi ko ha ‘uhinga ‘e ua:

Ko e fakamatala ‘i ho’o komipiuta ‘oku faingofua pe ke hu ki ai ha taha tatau ai pe pe ‘oku ke fakatau atu, ‘scrap’, ‘ave pe foaki, pea na’a mo hono tamate’i ‘e kei lava pe ‘e he kau fai hia ‘o ma’u. Ko hono faka’auha ko ia ‘o e ngaahi komipiuta ‘i he founga tonu, ‘e lava ke fakasi’isi’i ai e ngaahi maumau ki he ‘atakai mo fakapapau’i ai ‘oku ‘ikai ke ke maumau’i e lao.

-Vakai ki he ngaahi fale’i ki he Founga malu ki hono faka’auha ‘aki ‘o e komipiuta ke fakapapau’i ‘oku ke fakahoko ia ‘i he founga ‘oku tonu.